|
қилмишлари учун улар жазога, азобга сазовор бўладилар. Шу билан алдашга уринишлари ўзларининг фойдасига эмас, зиёнига ишлайди.
Шу ўринда бир нуқтага диққатимизни қаратайлик.
وَمَا يَخْدَعُونَ إِلاَّ أَنفُسَهُم
(Фақат ўзларинигина алдайдилар) ибораси оятдаги икки ишнинг ортидан яъни, «Аллоҳ билан алдашмачоқ ўйнайдилар» ва «мўминлар билан алдашмачоқ ўйнайдилар», деган иборалардан кейин келяпти. Энди мунофиқларнинг Аллоҳ Таолони алдай олмасликлари ўз-ўзидан аён бир иш. Шунга кўра
وَمَا يَخْدَعُونَ إِلاَّ أَنفُسَهُم
иборасининг
يُخَادِعُونَ اللّهَ
(улар Аллоҳни алдамоқчи бўладилар) иборасидан кейин келиши тушунарли. Лекин
وَمَا يَخْدَعُونَ إِلاَّ أَنفُسَهُم
(ва фақат ўзларинигина алдайдилар) иборасининг «мўминлар билан алдашмачоқ ўйнайдилар» иборасидан кейин келишини қандай тушунамиз? Ҳолбуки, мунофиқларнинг мўминларни ҳақиқатан алдашлари мумкин бўлган бир иш-ку! Бу нарса сиртдан қараганда Аллоҳ Таолодан ворид бўлган
وَمَا يَخْدَعُونَ إِلاَّ أَنفُسَهُم
хабарининг мантуқига (зоҳирий маъносига) тўғри келмайдигандек туюлади.
Бунга жавоб шуки, араб тилида гапнинг иқтизо далолати, деган далолати (маъноси) бор. Бунда гапнинг мантуқида келган хабар сўзловчининг аниқ рост гапираётганини тақозо қилиб қолса, талаб (буйруқ) маъносини англатади. Бу ерда ҳам худди шундай. Оятдаги
وَمَا يَخْدَعُونَ إِلاَّ أَنفُسَهُم
иборасининг мунофиқларнинг мўминлар билан алдашмачоқ ўйнашлари хусусидаги гапдан кейин келиши талаб (буйруқ) маъносидадир. Яъни, эй мўминлар, мунофиқларнинг сизларни алдашларига имкон берманглар. Мудом зийрак бўлиб туринглар. Токи, уларнинг алдашга уринишлари ўзларининг зарарига қайтсин. Сўзловчининг гапи ростлиги аниқлиги туфайли иқтизо далолатининг қўлланиши усул илмида маълум ва машҳурдир.
2-
فِي قُلُوبِهِم مَّرَضٌ فَزَادَهُمُ اللّهُ مَرَضاً
(Уларнинг дилларида мараз бор эди). [2:10]
Мунофиқларнинг дилларидаги касаллик уларнинг дилларидан ўрин олган ақидаларидаги касалликдир. Қалбларининг
65-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204